AnnouncementsTheera Desham

CRZ – തീരദേശ പഞ്ചായത്തുകളിലെ നേതാക്കളുടെ യോഗം ഫെബ്രുവരി 15ന് ആലപ്പുഴയിൽ

ആലപ്പുഴ: തീര നിയന്ത്രണ വിജ്ഞാപനത്തിലെ ലംഘനം സംബന്ധിച്ച് തീരദേശത്തെ പത്ത് ജില്ലകളിൽ നിന്നായി മൊത്തം 26,330 കെട്ടിടങ്ങളാണ് കണ്ടെത്തിയിരിക്കുന്നത്. അതിൽ തിരുവനന്തപുരം ജില്ലയിൽ മാത്രം 3535, കെട്ടിടങ്ങളാണ്  തീരദേശ പരിപാലന വിജ്ഞാപനം ലംഘിച് നിർമ്മിച്ചതായി കണ്ടെത്തിയിരിക്കുന്നത്. അതിൽ ഭൂരിഭാഗവും തദ്ദേശവാസികളുടെയും മത്സ്യത്തൊഴിലാളികളുടെയും ഭവനങ്ങൾ ആണ് എന്നാണ് നിഗമനം.
ഈ വിഷയത്തിൽ മത്സ്യത്തൊഴിലാളികളുടെയും തദ്ദേശവാസികളുടെയും ഭവനങ്ങൾ സംരക്ഷിക്കുന്നതിന് നടപടികൾ കൈക്കൊള്ളുന്നത് സംബന്ധിച്ച് തീരദേശ പഞ്ചായത്തുകളിലെ കെഎൽസിഎ നേതാക്കൾ, ഇതര ലത്തീൻ സംഘടനാ നേതാക്കൾ, പ്രശ്നത്തിന് ഇരയായ  കുടുംബങ്ങളുടെ പ്രതിനിധികൾ (മുൻകൂട്ടി അറിയിച്ച് വരുന്നവർ), വിഷയത്തിൽ തൽപരരായ പൊതുപ്രവർത്തകർ (മുൻകൂട്ടി അറിയിച്ച് വരുന്നവർ), എന്നിവരുടെ സംയുക്ത യോഗം  ശനിയാഴ്ച 2020 ഫെബ്രുവരി 15ന്  രാവിലെ 11ന് ആലപ്പുഴ കർമ്മസദനിൽ ചേരുന്നു.

ഈ യോഗത്തിൽ വിഷയം  ബാധിക്കുന്ന രൂപതകളിലെ/പ്രദേശങ്ങളിലെ കെഎൽസിഎ നേതാക്കളും പ്രതിനിധികളും പങ്കെടുക്കണമെന്നു കെ.എൽ.സി.എ. പ്രസിഡൻറ്, ആൻറണി നൊറോണ അറിയിച്ചു.

യോഗസ്ഥലം  സംബന്ധിച്ച വിശദ വിവരങ്ങൾ അറിയാൻ ആലപ്പുഴ രൂപതാ ആദ്ധ്യാത്മിക ഉപദേഷ്ടാവ് ഫാ. ജോൺസൺ 9497220737, സംസ്ഥാന സെക്രട്ടറി ബിജു ജോസി 9447063855, ജോൺ ബ്രിട്ടോ ആലപ്പുഴ രൂപത പ്രസിഡൻറ് 9400884089, ജനറൽ സെക്രട്ടറി രാജു 7559035448, എന്നിവരെ ബന്ധപ്പെടാവുന്നതാണെന്നും പറഞ്ഞു.

Trivandrum Media Commission

Comment here