InternationalMinistryNews

ടൂറിസം വ്യവസായത്തെ സഹായിക്കാൻ നിർദേശിച്ച് വത്തിക്കാൻ

പ്രേം ബൊണവഞ്ചർ

സെപ്റ്റംബർ 27 ന് ആഘോഷിക്കുന്ന 41-ാമത് ലോക വിനോദസഞ്ചാര ദിനത്തിനുള്ള സന്ദേശം വത്തിക്കാൻ പുറത്തിറക്കി. കൊറോണ വൈറസ് ഈ വർഷം വിനോദസഞ്ചാര വ്യവസായത്തെ പിന്നോട്ടടിച്ചു. നിരവധി ജോലികൾ നഷ്‌ടപ്പെട്ടതിനൊപ്പം, പലർക്കും തൊഴിൽ നഷ്ടപ്പെടാനുണ്ടെന്ന ഓർമ്മപ്പെടുത്തലാണ് ഈ കാലഘട്ടം നൽകുന്നത്. പ്രതിസന്ധികൾ എത്രതന്നെ ഉണ്ടായാലും നിരാശയുടെ പക്ഷാഘാതത്തിൽ പെടരുതെന്ന് സന്ദേശത്തിലൂടെ ആഹ്വാനം ചെയ്യുന്നു.

വത്തിക്കാനിലെ സംയോജിത മാനവശേഷി വികസനവകുപ്പിന്റെ തലവനായ കർദിനാൾ പീറ്റർ ടർക്സൺ ഒപ്പിട്ട ഈ വാചകം വിനോദസഞ്ചാരമേഖലയെ പിന്തുണയ്‌ക്കേണ്ടതിന്റെ ആവശ്യകതയെ ഊന്നിപ്പറയുന്നു- പ്രത്യേകിച്ചും വ്യവസായത്തെ ആശ്രയിക്കുന്ന കുടുംബങ്ങളുടെ ഉപജീവനം നഷ്ടപ്പെടാതിരിക്കാൻ. രാജ്യത്തിൻറെ അധികാരികൾക്ക് പകരം, സഭാതലവന്മാരുടെ സഹകരണമാണ് അദ്ദേഹം ഇക്കാര്യത്തിൽ ആവശ്യപ്പെടുന്നത്. കൊറോണ വൈറസ് പ്രതിസന്ധി മൂലം പ്രധാന വരുമാന മാർഗ്ഗം നഷ്ടപ്പെട്ട ഈ മേഖലയിലെ തൊഴിലാളികളുടെ ആവശ്യങ്ങൾ നിറവേറ്റാനുള്ള ആഹ്വാനമായി സന്ദേശത്തെ കണക്കാക്കാം. മറഞ്ഞിരിക്കുന്നതോ പരിചിതമല്ലാത്തതോ ആയ സ്ഥലങ്ങളിൽ തൊഴിലവസരങ്ങൾ കണ്ടെത്താനും സ്ഥിരവും യുക്തിസഹവുമായ രീതിയിൽ ഗ്രാമീണ വിനോദസഞ്ചാരത്തിൽ ശ്രദ്ധ കേന്ദ്രീകരിക്കാനും വത്തിക്കാൻ നിർദ്ദേശിക്കുന്നു.

ഈ രീതിയിൽ വിനോദസഞ്ചാരമേഖല ഗ്രാമീണ സമ്പദ്‌വ്യവസ്ഥയുടെ ഒരു ഉപകരണമായും വരുമാന സ്രോതസ്സായും മാറും. പകർച്ചവ്യാധി പ്രകടമാകുന്ന സാമ്പത്തിക അസന്തുലിതാവസ്ഥ കുറയ്ക്കുന്നതിനുള്ള പരിഹാരമായും ഇതിനെ കണക്കാക്കാം. പരിസ്ഥിതിയെയും സംസ്കാരങ്ങളെയും ബഹുമാനിക്കുന്ന ഉത്തരവാദിത്തടൂറിസത്തെ പ്രോത്സാഹിപ്പിക്കുന്നതിന് വത്തിക്കാൻ രാഷ്ട്രീയ നേതാക്കളെ ക്ഷണിക്കുകയും ചെയ്യുന്നു.

Trivandrum Media Commission

Comment here