AnnouncementsInternational

കൊറോണ വൈറസ്: വത്തിക്കാനിൽ നിന്നുള്ള മാസ്കുകൾ ചൈനയിലേക്ക്

ഇറ്റലിയിലെ വത്തിക്കാൻ ഫാർമസി, ചൈനീസ് ക്രിസ്ത്യൻ കൂട്ടായ്മകളുടെ പിന്തുണയിലൂടെ ജനുവരി 27 മുതൽ 600,000-700,000 മാസ്കുകൾ ചൈനയിലേക്ക് അയച്ചതായി വത്തിക്കാനിലെ പോണ്ടിഫിക്കൽ അർബൻ കോളേജിലെ വൈസ് റെക്ടർ വിൻസെൻസോ ഹാൻ ഡുവോ പറഞ്ഞു.

ഇറ്റലിയിലെമ്പാടുമുള്ള പ്രദേശങ്ങളിൽ നിന്ന് വത്തിക്കാൻ ഫാർമസി ശേഖരിച്ച മാസ്കുകൾക്കായി റോമിലെ പ്രാദേശിക ചൈനീസ് ക്രിസ്ത്യൻ ഗ്രൂപ്പുകളും സഹായം നൽകി.

“ഇറ്റലിയിലെ ഷിപ്പിംഗ് സാധാരണയായി മന്ദഗതിയിലാണ്, അതിനാൽ വത്തിക്കാൻ ഫാർമസി സ്വന്തം വാഹനങ്ങൾ ഉപയോഗിച്ച് റോമിലേക്ക് നേരിട്ട് മാസ്കുകൾ അയയ്ക്കുന്നു,” ഹാൻ പറഞ്ഞു. ആദ്യ ദിവസം, ഒരു ലക്ഷത്തിലധികം മാസ്കുകൾ ശേഖരിക്കാൻ കഴിഞ്ഞു. തുടർന്ന് ചൈന സതേൺ എയർലൈൻസ് ഉൾപ്പെടെയുള്ള എയർലൈൻ കമ്പനികൾ സൗജന്യമായാണ് കയറ്റുമതി ചെയ്തത്.

ചൈനയിലെത്തിയ ശേഷം, മാസ്കുകൾ മധ്യ ചൈനയിലെ ഹുബെ പ്രവിശ്യ, (നിലവിലുള്ള കൊറോണ വൈറസിന്റെ കേന്ദ്രം), കിഴക്കൻ ചൈനയിലെ സെജിയാങ്, ഫുജിയൻ പ്രവിശ്യകളിലേക്ക് അയച്ചു കഴിഞ്ഞു.

“സാധനങ്ങൾ എത്രയും വേഗം ആവശ്യമുള്ളിടത്ത് എത്തിച്ചേരുമെന്ന് ഞാൻ പ്രതീക്ഷിക്കുന്നു, അതിനാൽ രോഗം ബാധിച്ച ആളുകൾക്ക് വത്തിക്കാനിൽ നിന്നുള്ള ആശ്വാസം അനുഭവിക്കാനാകും. വൈറസിനെതിരെ പോരാടാൻ ലോകം മുഴുവൻ ഒരുമിച്ചുണ്ട്‌,” ഹാൻ പറഞ്ഞു.

2018 സെപ്റ്റംബറിൽ ചൈനയും വത്തിക്കാനും ബിഷപ്പുമാരെ നിയമിക്കുന്നതിലെ സുപ്രധാന കരാറിൽ ഒപ്പുവച്ചു, സങ്കിർണ്ണമായ ഈ പ്രശ്നത്തിൽ കരാർ ഒപ്പിട്ട ശേഷം 2019 ഓഗസ്റ്റിൽ ചൈന ആദ്യത്തെ ബിഷപ്പിനെ നിയമിക്കുകയും ചെയ്തു.

ചൈന-വത്തിക്കാൻ ബന്ധങ്ങൾ മെച്ചപ്പെട്ടതോടെ, പരസ്പരം അറിയാനും മനസിലാക്കാനും സഹായിക്കുന്നതിനും അവയവക്കടത്തിനെതിരെ പോരാടാനും, പരിസ്ഥിതി സംരക്ഷണം പ്രോത്സാഹിപ്പിക്കാനും ഒരുമിച്ചുണ്ട്.

Trivandrum Media Commission

Comment here